Balita Hiligaynon

Sumugod subong nga adlaw kinahanglan na ang isa ka persona nga magpa-register sa BaCTrac system sang Bacolod City bilang requirement sa pag-issue sang medical certificate sa iya sang City Health Office.Ini ang bag-o nga pagsulundan nga ginpatuman sang Bacolod Emergency Operations Center para mangin mahapos ang pag contact trace sa isa ka persona sa ti-on nga magpositibo siya sa COVID-19.Ang medical certificate ang isa sa mga requirements sa pagkuha sang Travel Authority agud nga makapadulong sa iban nga mga lugar ang mga gikan sa Bacolod.Wala na sa karon nagapangayo sang chest x-ray ang CHO para mag-issue sang medical certificate bangud suno sa kay OIC City Health Officer Dr. Edwin Miraflor Jr. indi ini maka-detect sang virus.Magluwas sa BaCTrac registration, magapaidalum n...

BCPO photoSumugod sa Huwebes, Oktubre 29, ipaidalom sa full alert ang tanan nga kapulisan sa Bacolod City Police Office bilang pagpang handa sa tigkalag.Suno kay Police Lieutenant Colonel Ariel Pico, spokesperson sang BCPO may 60 tubtob 80 ka pulis nga gin talana ang BCPO para ideploy sa tanan nga mga patyo sa Bacolod.Pero kun sang nagligad nga mga tinuig sila ang naga bantay sa mga naga bisita sa patyo, subong nga tuig suno kay Pico angr kapulisan ang maga bantay para wala sang may mabisita ukon masulod sa patyo sini nga tigkalalag magluwas na lang kun may lubong.Sandig sa National IATF resolution, sarad-an ang tanan nga public kag private cemeteries humalin Oktubre 29 tubtob Nobyembre 4 para malikawan ang pag dugok sang tawo sa mga patyo kag agud malikawan ang paglapta sa...

Nangin maulanon man sang Domingo sa banwa sang La Castellana pero wala ginpalampuwas sang grupo ni Tonton Abao ang maka ganar.200 pesos ang ila sukot sa pagpaninlo sa mga lulubrngan sa patyo sang banwa . Depende naman sa kadakuon kag kadamuon sang pintahan nga mga pantyon ang suktanay.Nag amat-amat naman padulong sa patyo ang pila ka mga pumuluyo para temprano pa maka duaw sa ila nga mga minatay. Pila sa mga pantyon may mga nabilin na nga bulak kag may naka sindi na nga kandila.Sa mga indi na matultulan nga pantyon sa kumon na nagsindi, kasubong kay Regie Jison.“Ang iban niyo nga himata waay niyo na nakita ang lulubngan?) waay na.kay siling nila masira na kuno manindi na kami," suno kay Jison.Kasubong man ang sitwasyon sa Bago New Public Cemetery.May mga nagbisita n...

Ginsarado sumugod subong nga adlaw tubtob sa Biyernes ang Guihulngan City Hall sa Negros Oriental matapos mag positibo sa COVID-19 ang tatlo ka empleyado sang siudad.Sa ginpagwa nga public advisory ni Mayor Carlo Jorge Joan Reyes, iya ginpahayag nga ila ipaidalom sa mass testing ang mga apektado nga opisina agud indi na maglapta pa ang virus.Temporaryo nga maga work from home lang ang mga empleyado sang siudad magluwas nalang sang mga personnel sang Health Services office, DRRM office, General, Social, Agriculture kag Postal Services office.Sa masunod nga Martes na suno sa alkalde maga balik sa normal ang operation sa city hall magluwas na lang sa mga nag positibo sa COVID-19.

Base sa 5AM nga severe weather bulletin sang PAGASA, magadala sang madamul nga pag-ulan ang bagyo kag ang tail-end of the cold front madamo nga bahin sang Luzon kag Visayas.Ang bagyo ang nag-landfall sa Pola, Oriental Mindoro alas tres ymedia kaina sang aga kag nagapadulong sa Northwest nga direksyon nga may kadasigon nga 25 km/h.Ini ang may dala nga maximum sustained winds ngga 125 km/h malapit sa sentro kag may pagmadlos nga tubtub sa 180 km/h.Ginapaabot si Quinta nga magwa sa Philippine Area of Responsibility bwas aga.Nagapaandam ang PAGASA sa publiko ilabi na sa mga lugar nga napaidalum sa Tropical Cyclone Wind Signal nga mag-atligmat sa mahimo pagluntad sang flash flood, landslide kag mabaskug nga hangin ilabi na sa kadagatan.TCWS #3(121-170 km/h winds prevailing) ...

Hinigaran PNP photoPatay na sang masapwan Biyernes sang kaagahon si Bartolome Onlayao nga number 3 sa top 10 drug personality sang siudad sang Kabankalan.Nasapwan ang iya nga bangkay nga may igu sang bala sa ulo sa hilamunan sa Barangay Pilar sa banwa sang Hinigaran.Suno sa hepe sang Hinigaran PNP nga si Police Majorr John Ganzon, posible may kaangtanfan sa iligal nga droga ang pag patay kay Onlayao bangud natukiban nga miyembro man siya sang Bugalon Drug Group.Sang tinalikdan nga Martes, Oktubre 20, ginpatay man sang wala makilal-an nga riding in tandem sa siudad sang Himamaylan si Rolyn Gutierres nga miyembro man sang Bugalon Drug Group.Ginahibalo pa sang PNP kun may kaangtanan ang pag patay sa duha ka mga persona.

Moises Padilla PNP photoPatay ang isa ka tuig nga bata nga si Princess Eustanio matapos malumos sa sapa sa Barangay Guinpana-an sa Moises Padilla.Suno kay Reynald Horegue, pamuno sang Moises Padilla Disaster Risk Reduction and Management Office, ang bata ang naga hampang lang upod sang iya 8 anyos nga magulang sa gwa sang balay sang ila lola nga malapit sa sapa, alas syete kaina sang aga.Ginbayaan sang makadali sang iya nga magulang ang manghod suno kay Horegue kag sa iya pagbalik, wala na ang iya nga utod.Ang mga opisyales sang barangay kag ang MDRRMO ang nag bulig sa pamilya para makita ang bata.Malapit na las 10 sang aga sang nakita ang 1 ka tuig nga bata nga naga lutaw sa sapa malapit lang sa ila balay.Ginapat-od pa sang rescuers kun bala aksidente lang nga nahu...

Claudine Valdevia Santiso photoPila ka mga pumuluyo ang na-stranded matapos nga tuman nagtaas ang tubig sa overflow, sakop sang Barangay Amin sa banwa sang Isabela.Sa mga litrato nga kuha ni Claudine Valdevia Santiso makita ang mabaskog nga duludo sang tubig kag mga na-stranded nga pumuluyo kaina sang hapon.Suno kay Santiso nga pumuluyo sang amo nga lugar, mabunok ang ulan rason sang pagbaha sa ila nga lugar.Naglawig suno sa iya sa tatlo ka oras ang antes nag-amat amat tahaw ang tubig baha.As of this posting, wala sang kuryente sa lugar suno kay Santiso.Nakatigayon naman tabok ang mga na-stranded nga pumuluyo.Suno naman kay Zeaphard Caelian, ang pamuno sang Provincial Disaster Management Program Division may pre-emptive evacuation nga gin patuman sa banwa sang I...

Video courtesy of Rey LugatimanBangud sang tuman ka todo nga ulan nga dala sang bagyo, nag saka tubtob hawak ang baha kaina sang aga sa Sitio Daro, Barangay Nagbualao sa Basay, Negros Oriental.Sa video nga kuha sang netizen nga si Rey Lugatiman, makita ang pag rescue sa mga pumuluyo nga apektado bangud sang pag saka sang tubig baha sa ila lugar.Onse tanan ka persona ang na rescue sang local DRRMO sang banwa upod sang Basay PNP.Anum sa ila ang suno sa pulis yara karon sa evacuation center samtang padayon pa ang pagbunok sang ulan sa ila nga banwa.

Base sa pinaka-ulihi nga severe weather bulletin sang PAGASA, nagapadulong na malapit sa Catanduanes, Albay kag Sorsogon area ang tropical storm nga si Quinta.Ini ang may maximum sustained winds nga 75 k/h malapit sa sentro kag may pagmadlos nga tubtub sa 90 km/h.Nagapadulong ini sa Westward nga direksyon nga may kadasigon nga 20 km/h.Ginapaabot sang PAGASA nga magalabay si Quinta sa Southern Luzon tubtub bwas nga adlaw kag magagwa sa Philippine Area of Responsibility sa Martes.Magadala sang madamul nga pag-ulan ang bagyo sa pila ka bahin sang Luzon, Visayas kag Mindanao kasubong man sang makusog nga hangin nga magatuga sang mabalud nga kadagatan.Napaidalum sa Tropical Cyclone Wind Signal Number 2 ang masunod nga mga lugar:LUZON - Catanduanes, Camarines Norte, Camar...