Balita Hiligaynon

BIR photoMaayong nga balita para sa mga health kag medical workers.Indi na pagkuhaan sang buwis ang Hazard Pay kag Special Risk Allowance nga ila mabaton sa ti-on sang COVID-19 pandemic.Sandig sa Revenue Regulation nga ginpagwa sang Bureau of Internal Revenue, wala na sang tax ang pagabatunon nga Hazard Pay kag Special Risk Allowance sang mga pampubliko kag pribado nga mga medical kag health professionals humalin sa bulan sang Pebrero sini nga tuig tubtub nga yara sa idalum sang State of National Emergency ang pungsod.Kabahin man sang amo nga revenue regulation ang pagdula sang tax sa sweldo sang mga health workers nga nalatnan sang COVID-19 ukon nagtaliwan samtang nagatrabaho sa tunga sang pandemya.Ang ini nga tax exemption ang kabahin sang ginpasar nga Bayanihan to Re...

Subong nga adlaw (October 17) ang pinaka-ulihi nga issue sang The Visayan Daily Star, ang isa sa pinaka-una kag pinakalawig nga community newspaper sa bug-os nga isla sang Negros.Suno sa column sang General Manager sang TVDS nga si Carlo Leonardia sang October 16, 2020 sini nga issue, matapos ang 38 ka tuig nga paghatag sang masaligan kag patas nga mga balita sa komunidad, magapanira ang ila talatapan bangud sang problema pinansyal.Ginpahayag ni Leonardia nga antes pa man ang COVID-19 pandemic, naga amat-amat na diutay ang mga nagabakal sang newspaper kag ang kadam-an ang nagabasa na sang balita sa ila website kag social media page sang libre ukon wala sang bayad.Gindugang pa ni Leonardia nga ginhimo na nila tanan para masalbar ang ila negosyo pati na ang mga empleyado sini per...

Bulan sang Hulyo pa ulihi nga may nag positibo sa COVID-19 sa Dumaguete City.Pero humalin sang Huwebes, may apat na ka dugang nga COVID-19 case ang siudad.Tatlo sa bag-o nga kaso sang COVID-19 sa siudad ang close contact sang authorized person outside residence ukon APOR nga empleyado sang Negros Oriental Provincial Capitol kag ang isa naman ang administrative staff sang City Health Office.Sandig sa press release sang Dumaguete City, may yara sila karon sang 345 ka Persons Under Monitoring kag 15 sa diri ang close contact sang bag-o nga mga nag positibo.Ginpa home quarantine man sang siudad ang 64 pa ka mga close contact sang bag-o nga mga kaso kag 35 tanan ka mga balay sa lima ka barangay sa Dumaguete ang gin lockdown.Sa kabilugan, 62 na tanan ang kaso sang COVID-19 sa...

BFP photoGinmanduan ni Bacolod Mayor Evelio Leonardia ang City Legal Office nga usisa-on kun ano ang kabangdanan sang pagkasunog sang administrative office sang City Mayor’s Office sa Bacolod Government Center sang nagligad nga Oktubre 14.Base sa imbestigasyon sang Bureau of Fire Protection, mahimo electrical in nature ang kabangdanan sang sunog.May mga computers kag CPU sa opisina nga nagkalasunog kag may mga nagkalabasa man nga mga dokumento.Ginabulubanta nagabalor singkwenta mil pesos ang halit sang sunog sa 20 square meter nga opisina.

Adrian Bobe photoNasapwan na lang nga nagahigda sa kilid sang kalog ang anum ka tuig nga bata nga babaye las 10 Huwebes sang gab-i sa Purok Arao, Abada Escay Relocation Site sa Barangay Vista Alegre.Wala na siya sang pang ibabaw nga panapton sang masapwan.Suno kay Police Lieutenant Arlyn Torrendon, chief sang Women and Children Protection Desk sa Bacolod, ulihi nakita ang bata nga nag attend sa isa ka tipon tipon malapit lang sa ila puluy-an sang kahapon.Siya ang nakita pa suno sa pulis sang mga nag tambong sa party nga gina sabak sang 24 anyos nga suspek.Wala na makapauli sang gab-i ang bata suno sa pulis kag nasapwan na lang siya nga naga higda sa kilid sang suba.Patay na sang mag abot sa ospital ang biktima.Suno sa pulis, may mga lagob sa kilid sang mata ang ...

Moises Padilla LDRRMO photoIsa ka 6-wheeler ang nahulog sa overlfow sakop sang New Stockyard sa Brgy. 1 sa banwa sang Moises Padilla, Biyernes sang hapon.Suno kay Reynald Horegue, ang head sang Moises Padilla Local Disaster Risk Reduction Management Office, may karga nga 185 ka sako sang abono gikan sa Department of Agriculture ang truck kag padulong ini sa Barangay Quintin Remo.Suno kay Horegue may nagasinyas man sa truck sa pagtabok sa overflow pero na alang-alang ang driver.“Bali ang gutter indi na kitaon sa driver. Kag ang gin agyan niya naglaban sa right side lapit sa dalagdagan. Ginasinyasan man siya sg ara sa overflow nga mag-manuever sa left. Paglapak niya accelerator nagwahig ang buli sg truck tungod sang danlog siguro nga spillway kg current sg tubig”, suno kay Ho...

Binalbagan LDRRMO photoGina pasa pasahan sa social media ang post sang Binalbagan LDRRMO kun sa diin nagresponde sila sa isa ka emergency case sa Sitio Namulo 1, Brgy. Payao.Pag-abot nila sa lugar sandig sa post, wala na naga ginhawa kag wala naman sang pulso ang pasyente nga ila dapat respondehan.Suno sa mga himata, ang 94 anyos nga lalaki nga pasyente ang nagreklamo sang pag pin-ot sang dughan matapos mahibaluan nga ang iya nga asawa ang nagtaliwan alas 7 Biyernes sang aga.Makaligad ang pila ka oras nakit-an ang pasyente nga nagapungko sa ila nga kalan-an nga daw sa naga pahuway pero wala na naga giho.Sa pag-assess wala na sang vital signs ang pasyente kag naga tig-a na.Ang iya nagtaliwan nga asawa yara sa katre nga malapit sa iya man nga tupad.Gindeklarar nga...

BCPO file photoYara pa lang sa tunga-tunga sang bulan ang Oktubre pero base sa record sang Bacolod City Police Office, mas madamo na sang kaso sang aksidente sa dalan subong nga bulan kun ikumparar sa nagliligad nga mga binulan.Humalin sang pag sugod sang community quarantine sang Abril tubtob sang Setyembre, 23 lang tanan ang na record sang BCPO nga napilasan ukon napatay bangud sang aksidente sa dalanon. Walo ang napatay kag 15 naman ang napilasan.Pero sa subong nga bulan, humalin Oktubre 1 tubtob 15, siyam na ka mga napilasan kag apat naman ang napatay.Pinakaulihi amo ang aksidente sa Circumferential Road kun sa diin napatay ang tatlo ka mga sakay sang Mustang matapos mag suhot sa nagadalagan man nga truck sang tubo.Paandam sang spokesperson sang BCPO nga si Lt Col. ...

Nagpadala sang sulat si Bacolod Mayor Evelio Leonardia sa kay DOH Secretary Francisco Duque III para hinyuon ang National Inter-Agency Task Force sa pag-downgrade sang quarantine status sang siudad gikan sa General Community Quarantine pakadto sa Modified General Community Quarantine.Ginpahayag ni Leonardia nga may yara sang pagnubo sang mga kaso sang COVID-19 sa siudad sang tinalikdan nga duha ka semana kag dako ang nabulig sa pagtukod sang Bacolod Emergency Operations Center sa pag-manage sa mga kaso kasubong sang contact tracing, hospital admission kag extraction sang mga nagpositibo sa virus.Gindugang pa ni Leonardia nga sa masobra isa ka libo ka mga market vendors nga ginpaidalum sa surveillance testing sang Sabado, 25 lang ang nagpositibo gani nagapakita nga epektibo ang gina...

San Carlos City Interactive photoGinmando ni San Carlos City Mayor Rene Gustilo ang pagpaidalom sa preventive lockdown sang City Hall kag City Health Office.Sa 17 ka mga kumpirmado nga kaso sang COVID-19 subong nga Biyernes, 7 ang government employees. Ang napulo naman mga close contacts sang COVID-19 positive.Ang mga empleyado nga apketado ang naka-isolate samtang ginahulat ang ila nga confirmatory test result.Ang mga talatapan nga napaidalom sa preventive lockdown ang iga decontaminate sang City Disaster Risk Reduction and Management Office.Sa page sang San Carlos City COVID-19 Update, ginpahayag man nga ang mga katapo sang City COVID-19 Incident Management Team ang igapaidalom sa RT-PCR test matapos sila ang ma-expose sa isa ka pasyente nga bag-o nag positibo sa virus.