Balita Hiligaynon

Police Station 7 photoPatay ang 31 anyos nga si Joebe Natividad Jr matapos tiruhon sang kagab-i sang security guard sa sulod sang compound sang isa ka industrial company sa Felisa road sa Barangay Mansilingan.Suno kay Lieutenant Conrado Espino, hepe sang Police Station 7, si Natividad ang anay empleyado sang kompanya kag nagpamilit pa nga magsulod kagab-i nga nakainom.Nag baisay suno kay Espino si Nativad kag ang guwardiya nga si Antonio Enanoria bangud sa indi mag halin sa compound ang biktima.Ini ang nag resulta sang pagtiro sang gwardiya kay Nativad gamit ang iya 12 gauge shotgun nga ginkamatay sang biktima.Padayon ang hot pursuit operation sang PNP sa gwardiya.

Southern News TV photoGin lockdown ang barangay proper sang Manalad sa banwa sang Ilog kag pila ka mga sitio sini.Ini matapos nga may nagpositibo nga isa sa frontliner kag iya asawa nga naga busong sang anum ka bulan.Suno kay Gideon Padilla ang pamuno sang Local Disaster Risk Reduction Management Office, ang pagpatigayon sang lockdown sa bilog nga barangay proper kag pila ka mga sitio ang ginpatuman agudto indi na sila mabudlayan pa sa contact tracing kun may mag dugang gid man nga nagpositibo.Ang tanan nga gina kabig primary contact sang mag asawaa ang gin swab test na kag ginahulat ang resulta. Ang pag halog sang lockdown ang maga depende na sa mangin resulta suno kay Padilla.Ang tanan naman nga apektado nga pumuluyo ang gin hatagan sang food assistance sang lokal nga...

52 ka police officers gin dugang sa pwersa sang Negros Occidental Police provincial Office bilang nga contact tracers.Ang 52 ka mga pulis ang mga patrolman nga nag tapos sang ila nga Basic Internal Security Operations course.Sila ang gin deploy na sa nagkalain lain nga mga police stations sa probinsya para mag buling sa contact tracing.174 na tanan ang kabilugan nga COVID-19 contact tracers sang NOCPPO sa probinsya.Samtang nagabilin naman nga 5 ang active COVID-19 case sang NOCPPO.Sila ang yara sa gihapon sa quarantine facility. Ang 31 ka iban pa ang nag ayo na.

Ginpost sa social media sang pamilya sang isa ka nagpositibo sa COVID-19 sa Barangay Felisa sa Bacolod City ang video sang pila ka mga katapo sang Barangay Health Emergency Response Team (BHERTS) nga nagkadto sa ila balay kag nagpahibalo sa ila nga kuhaon ang pasyente kag dal-on sa quarantine facility.Suno sa nagpost sang video, wala nakasuksuk sarng Personal Protective Equipment ukron bisan face shield lang ang mga katapo sang BHERTS.Pero sandig sa opisyal nga pahayag ni Felisa Punong Barangay Ramon Jardin, indi kinahanglan nga magsuksuk sang PPE ang BHERTS bangud nagpahibalo lamang sila sa pamilya nga magpreparar bangud kuhaon sang City Disaster Risk Reduction Management Office (CDRRMO) ang pasyente sa ila balay.Gin-athag ni Jardin nga indi responsibilidad sang BHERTS ang pag...

CIDG-Bacolod photoGin aresto sang Criminal Investigation and Detection Group-Bacolod upod sang Toboso PNP ang numero uno nga most wanted sa banwa las 12:30 kaina sang udto sa Barangay Sum-ag sa Bacolod.Gindakop si Mariano Baylosis Jr, 29 anyos kag isa ka habal-habal driver.Siya ang may duha ka warrant of arrest sa kaso nga attempted kag frustrated murder.Samtang gindakop man sang CIDG si Renon Taclobos paagi sa buybust operation ang isa ka gina alegar miyembro sang "Tonggo Group" nga imbolbado sa pila ka gun running activities sa Bacolod City kag Negros Occidental.Siya ang naaresto sa Barangay Robles sa La Castellana.Nakuha kay Taclobos ang isa ka submachine gun pistol kag lima ka bala sang calibre 9mm.Detained karon ang duha ka gindakop sa CIDG Bacolod.

Fritz Ardena photoSa siudad sang Sagay halos isa ka gatos ka mga vendors sang Barangay Paraiso ang ginpaidalom sa swab test.Wala labot sa mass testing, gin-disinfect man ang merkado.Suno kay Punong Barangay Pet Flores, Lunes kag Martes ginpatuman ang granular lockdown ukon sa pinili lamang nga lugar kag ini ang naga lakip sa merkado kag bahin sang Purok Mabinuligon.Paaathag ni Flores mga kwarenta porsiento sang ila nga mga vendors ang nagapadulong sa kaiping nga siudad sang Cadiz, amo nga ginpakamaayo sang lokal nga panguluhan nga ipaidalom sila tanan sa swab test.Sa datus sang gobyerno probinsyal, isa sa mga lugar nga may mataas nga reported active COVID-19 cases amo ang Cadiz.As of press time, ila nga ginahulat ang resulta sang swab test pero nakabalik sa trabaho ...

Romela Amoroso photoIsa ka pawikan ang gin turnover kahapon sa Barangay Mambulac sa Silay City sang duha ka mga mananagat.Suno sa SK Chairman sang Mambulac nga si Romela Amoroso, ang pawikan ang nagsulod sa pukot sang mananagat nga sanday Victor Diaz kag Romero Francisco.Ginabulubanta naga bug-at ini sang 15 tubtob 20 kilos.Gilayon man ini nga ginturn over sang barangay sa Bantay Dagat kag ila gin balik sa baybayon sang Barangay Balaring ang pawikan kahapon.

Richmond De Asis photoPatay ang naga ang kasanay sa motor nga nurse kag manunudlo matapos nga matumba ang ila motor kag malapakan sang truck sa highway sang Barangay Caduhaan sa Cadiz City.Ang naga dala sang motorsiklo amo si John Paul Ladrillo nga isa ka nurse kag iya nga angkas amo si John Eurich Depasupil nga isa ka maestro.Suno sa traffic investigator nga si Police Corporal Dindo Ebag, naga dalagan sa pareho nga lane ang motorsiklo kag ang truck.Ugaling sang pag lab-ot sa bahin sang dalan nga ginakay-o, natumba ang motor sa unahan ka truck. Suno sa pulis natumba ini bangud sang gulpi nga pag liko.Nag tabog ang motor kag natumba ang duha ka biktima, kabangdanan kun ngaa nalapakan sila sang truck nga nagadalagan.Ini ang nag resulta sang ila kamatayon.Detained ...

Ginsugdan sang Barangay Tangub sa Ramylu Drive ang ika duha nga hugna sang clearing operation nga ginmando sang Department of the Interior ang Local Government.Antes pa man personal nga ginbisita sang mga opisyales sang barangay sa pagpamuno ni OIC-Punong Barangay Luz Atienza kaina sang aga ang mga baligyaan nga gin-identify nga nagalaksam sa ginakabig government property, ginpadal-an na sila sang barangay sang sulat nga nagahatag sa ila sang lima ka adlaw para manghimos sa ila nga mga istruktura nga nagalaksam sang dalan ukon drainage sang barangay.Walo ka mga baligyaan ang una nga ginhatagan sang sulat.Pila sa mga ginpahimos amo ang mga lamesa sang mga manugbaligya nga naglapaw na sa damlag pa gintugot sa ila nga distansya.Suno sa presidente sang Tangub Market Vendors Assocat...