Shadow

Pila ka mga illegal structures sa Ramylu Drive sa Brgy. Tangub, Bacolod ginpangkakas

Ginsugdan sang Barangay Tangub sa Ramylu Drive ang ika duha nga hugna sang clearing operation nga ginmando sang Department of the Interior ang Local Government.

Antes pa man personal nga ginbisita sang mga opisyales sang barangay sa pagpamuno ni OIC-Punong Barangay Luz Atienza kaina sang aga ang mga baligyaan nga gin-identify nga nagalaksam sa ginakabig government property, ginpadal-an na sila sang barangay sang sulat nga nagahatag sa ila sang lima ka adlaw para manghimos sa ila nga mga istruktura nga nagalaksam sang dalan ukon drainage sang barangay.

Walo ka mga baligyaan ang una nga ginhatagan sang sulat.
Pila sa mga ginpahimos amo ang mga lamesa sang mga manugbaligya nga naglapaw na sa damlag pa gintugot sa ila nga distansya.

Suno sa presidente sang Tangub Market Vendors Assocation nga si Ramil Dionson, sila ang magasunod sa abiso sang barangay.

Ginguba naman ang pila ka mga istruktura nga ginbululigan sang nagapanag-iya sini kag sang personnel sang barangay.

Ginsiling naman sang pila ka mga manugbaligya nga kuntani mangin alalangay ang pagpatuman sang clearing operation kag wala sang makabig exempted.

Suno kay Atienza, tayuyon ang ila nga clearing operation kag ini ang panugod lamang.

Secured By miniOrangeSecured By miniOrange