Balita Hiligaynon

Gin-acquit sang Manila RTC Branch 15 ang anay kongresista sang Negros Oriental nga si Arnolfo Teves kag duha ka iban pa sa kaso nga murder. Separado ini nga kaso sa pagpatay sa anay gobernador sang Negros Oriental nga si Roel Degamo.Kaupod ni Teves bilang akusado amo sanday Richard Cuadra kag Rolando Pinili sa kaso nga murder sang 2019.Na acquit sila sa kaso bangud sa kapaslawan sang prosecution nga ma establish ang inisyal nga ebidensya para suportahan ang kaso.Magapabilin sa gihapon si Teves sa detention cell bangud nagapangatubang siya sa gihapon sang separado nga kaso sang pagpatay kay Degamo kag siyam ka iban pa sang March 4, 2023.Si Teves ang ginkakas sa puwesto matapos nagpamalibad nga magbalik sa Pilipinas para atubangon ang iya kaso.*

Ginapatihan nga yara sa impluwensya sang makahulubog nga ilimnon ang driver sang Isuzu Traviz Utility Van nga nag-arangka sa motorsiklo kag poste sang kuryente sa Circumferential Road, Purok Villagracia sa Barangay Bata, Bacolod City, kaina sang kaagahon.Nag-gwa sa traffic investigation nga padulong norte sang Barangay Bata ang van nga gina-maneho sang 33-anyos nga lalaki kag residente sang Brgy. Luna sa Cadiz City.Nadulaan sang kontrol ang driver sang van kag nabungguan ang motorcycle rider nga nagapondo sa higad sang dalan agud kuntani nga magsuksok sang raincoat bangud naga inulan.Natumba ang rider kag ang iya motor, samtang ang van nag-diretso sa gutter, natumba kag na-igo ang poste sang kuryente.Bangud sang insidente, nasamaran ang driver sang van kag ang 24-anyos nga ...

Patay ang isa ka rider matapos mahulog ang iya ginamaneho nga motorsiklo sa kanal sa national highway sang Barangay Cubay sa La Carlota City, Huwebes nga adlaw.Ginkilala ang napatay kay alyas “JM”, 38-anyos.Base sa imbestigasyon, padulong ang motor sa city proper halin sa Brgy. Haguimit sang nadulaan sang kontrol si “JM” kag nahulog sa sementado nga kanal.Naka-angkon siya sang madamo nga pilas sa lawas.Gin-rescue ang rider kag gindala sang La Carlota City Disaster Risk Reduction Team sa ospital apang siya ang napatay.*

Nagresulta sa pagbinun-anay ang inom-inom man lang kuntani sa Purok Orchid, Barangay Santol sa banwa sang Binalbagan kagab-i, kun diin duha ka mga persona ang napatay.Ginsiling ni Police Captain Joelan Vinson, hepe sang Binalbagan PNP, ulupdanay inom ang suspek kag ang duha ka mga biktima.Apang sang papauli na, bangud sang kahulugbon, may paglalisay nga natabo kag ginbuno sang suspek nga si alyas “Jojo”, ang biktima nga si alyas “Arnel”, 25-anyos.Nagtambag ang 61-anyos nga isa pa gid nila ka upod kag siya ang nabun-an man. Ginkilala ang ikaduha nga biktima kay alyas “Lemping”.Suno kay Vinson, nadala pa sa ospital si alyas “Lemping” apang siya ang napatay.Ang suspek kag ang mga biktima, tanan residente sang Brgy. Santol.Detained karon sa custodial facility sang Binal...

Kaso sang dengue sa probinsya sang 2025 ang nagnubo sa 24.88 percent. 13 naman ang kabilugan nga dengue deaths nga gin-report.Sa datus sang Provincial Health Office, 5,446 ang kabilugan nga gin-report dengue cases sang 2025 sa Negros Occidental. Kun ipanggid sa 2024 nga kaso, mas nubo ini sa 1,804 cases ukon 24.88 percent.Pinakadamo sining mga kaso ang yara sa 1 to 10 years old nga age group.Sa mga local government units, ang Bago City ang may pinaka damo nga kaso nga gin-report - 1,141 nga may isa ka dengue death report.Nagasunod ang La Carlota City nga may 486 cases, Kabankalan City nga may 482 cases, San Carlos City - 262 cases kag isa ka dengue death, kag Silay City nga may 262 cases nga may 1 dengue death man.May pinaka damo nga dengue deaths nga gin-report ang Isa...

Nagpagwa sang announcement subong nga adlaw ang Negros Power nga may may masobra sa piso nga saka per kilowatt hour sa bili sang supply sang kuryente para sa Enero. Halin sa P12.04 per kilowatt hour mangin P13.11 per kilowatt hour na ini.Ang saka sa bili ang bangud sang pagkambyo man sang power supply costs kag iban pa gid nga charges para sa mga konsumedor sa Visayas.Sa bahin naman sang Negros Occidental Electric Cooperative ukon NOCECO, ang power cooperative sa southern Negros, P1.09 ang saka sa kada kilowatt hour bangud sang pagsaka man sang generation charges.Halin sa P11.77 mangin 12.87 na kada kilowatt hour sang kuryete.Ang NONECO ukon ang cooperative sa northern Negros ang wala pa sang may napagwa nga announcement.*

Mga alkalde sang banwa kag siudad nga maga baton sang bulig gikan sa P50 million nga presidential assistance fund para sa bagyo Tino ang nag lagda na sang Memorandum of Agreement kahapon.Nalakip diri amo sanday Moises Padilla Mayor Ella Garcia-Yulo, Binalbagan Mayor Emmanual Aranda, Isabela Mayor Miguel Yulo, Pontevedra Mayor Jose Maria Alonso, Bago Mayor Mayette Javellana kag La Castellana Mayor Añejo Nicor.Ang P50 million pesos nga pondo ang gin-release sa probinsya kag ginpakaamayo sang Negros Occidental nga iga-release ang pondo direkta na sa mga LGU para bulig sa mga na apektuhan sang bagyo Tino.Suno kay Nicor, gina paabot nila ang P10 million nga pondo sa madason nga semana.Sa bahin sang La Castellana, sila ang maga sapol para mapat-od ang iga-release nga bulig sa...

Ang Philippine Institute of Volcanology and Seismology ang nag pag gwa sang Kanlaon Volcano Lahar Advisory kasunod sang gina paabot ulan nga dal-on sang bagyo Ada.Gani mga komunidad sa anum ka mga banwa kag siudad sa palibot sang Kanlaon nga nahamtang malapit sa kasubaan ang ginapaandaman.Ginsiling sang PAGASA nga ang bagyo Ada mahimo magdala sang light to moderate with occasionally heavy rains sa Negros Island Region kag sa nabilin nga bahin sang Visayas. Ini ang sarang mag-generate sang volcanic sediment flows ukon lahar, sediment-laden streamflows ukon muddy run-off sa mga kasubaan sa area sang Kanlaon Volcano.Ini ang rason nga gina pa alerto ang mga komunidad nga prone sa lahar kag sa iban pa nga related hazards.Suno sa Phivolcs ang post-eruption lahar pwede nga ma tuga...

Ginpatigayon ang sloping kag benching works sa Cell No. 4 sang Sanitary Landfill sa Barangay Felisa, Bacolod City agud malikawan ang posible nga pagkatiphag sini.Suno kay ISWIMS Operations Manager Mario Sandil, padayon ang ila ginahimo nga slope protection agud malikawan ang posible nga pagkatiphag sang landfill, kaangay sang natabo sa Cebu.Ginpahayag pa ni Sandil nga ila ginatadlong subong ang mga kakulangan kag indi insakto nga mga ginhalinan sang nagligad nga contractor. Ang ISWIMS amo ang bag-o nga garbage contractor sang siudad sang Bacolod.₱110 millon ang gin-aprubahan nga pondo para sa management, operation kag maintenance sang Bacolod City Sanitary Landfill.Samtang masobra naman sa ₱65 milyon ang gin-aprubahan nga budget para sa construction sang Cell No. 5 sa a...