Car Free Sundays ginpalawig sa duha ka bulan. Ginatun-an ini nga isaylo sa iban nga dalan sa Masskara Festival.
Aprobado na sa konseho ang duha pa ka bulan nga extension sang Car Free Sundays sa Dalan Lacson.
Gani magapadayon ang pagpatuman sang temporary road closure halin sa intersection sang BS Aquino Drive kag Lacson asta sa South Capitol road las kwatro sang kaagahon asta las otso sang aga kada Domingo.
Ginsiling ni Secretary to the Mayor Atty. Karol Joseph Chiu, wala siya sang nakita mga konplikto sa schedule sang Car Free Sundays sa natalana nga Masskara Festival sa Oktubre.
Pero ila ginatun-an ang posible pagsaylo sa lain nga venue ukon dalan enkaso nga indi magamit ang Lacson Street nga isa sa mga festival sites sang tuigan nga okasyon.