Canlaon City LGU naga paandam sa publiko batuk sa mga nagapakilala taga gobyerno nga naga baton sang mga donasyon.
Pati pag pagwa sang scrap ginapa estriktuhan sa karon para malikawan ang kinawatay.
Nakalab-ot ang impormasyon sa Incident Command Post ukon ICP sang Canlaon City nga may yara sang mga persona nga nga palapit sa mga nagadala sang donasyon sa siudad antes sila maka lab-ot sa city proper.
Sa post sang Canlaon LGU indi ini sila konektado sa LGU.
Paathag sang siudad wala sang grupo ukon opisyal nga otorisado nga magbaton sang donasyon sa gwa sang siudad.
Tanan nga donasyon gina-coordinate sa Incident Management Team sa City Pension House. Ginpalab-ot na ang ini nga report sa PNP para mabantayan kag gina klaro man sang LGU nga ang tanan nga sahi sang donasyon ang ginabaton kag wala gina indi-an.
Isa man sa ginapabantayan sa PNP amo pa gid sa karon ang mga ginapagwa nga mga scrap sa siudad.
Nakalab-ot man sa LGU ang impormasyon nga may mga scrap nga ginapagwa sa siudad gani gindala na ini sa atensyon sang PNP.
Ini para malikawan kag mapunggan ang ano man nga sahi sang kinawatay.*