Wala na sang kabuhi sang makit-an sang mga residente malapit sa baybay ang isa ka butanding sa Barangay Singcang-Airport Biyernes sang aga.
Suno sa Bacolod City Agriculture Office, pito ka metro ang kalabaon sang amo nga adult butanding kag naga bug-at ini sang tatlo tubtob apat ka tonelada.
Posible man suno sa ila nga sang makadangat sa amo nga porsyon sang baybay ang butanding, nalab-otan ini sang hunas, rason nga wala na ini nakalangoy pabalik sa tubig.
Wala man sang nakita nga bisan ano nga pilas sa lawas sang butanding.
Ginhatagan na sang permiso sang Bureau of Fisheries and Aquatic Resources ang siudad agud makuha na ang butanding sa lugar kag malubong na ini.
[sibwp_form id=1]