Base sa monitoring sang Philippine Institue of Volcanology and Seismology, may na record nga duha ka mga pagbuga sang abo sang Kanlaon nga naglawig sang pito tubtob napulo ka minutos Miyerkules nga adlaw.
May 22 ka mga volcanic quakes nga na record sa bulkan sa sulod sang 24 oras.
Naglab-ot naman sa 5,760 ka tonelada ang ginbuga nga sulfur dioxide sang bulkan nga naglab-ot sa 100 meters ang kataason.
May nagapadayon sa gihapon nga paghubag sa sulod sang bulkan.
Nagapabilin sa Alert Level 2 ang Kanlaon gani indi pwede maka sulod sa 4km permanent danger zone.