Estudyante gin-attempt nga agawan sang cellphone sang mga lalaki nga sakay sa tricycle

Gin share ni Freya Joiel Mamigo sa iya Facebook account nga samtang naga lakat siya sa La Salle Avenue Domingo sang gab-i, gin attempt nga kuhaon ang iya nga cellphone sang mga lalaki nga naga sakay sa tricycle.

Nakuhaan pa niya sang video samtang naga palagyo ang apat.

Istorya niya, gapapuli siya sa iya nga dorm sang nadeparahan niya na ang isa ka tricycle nga gulpi lang nagpalapit sa iya ang ang lalaki nga naga pungko sa likod sang driver kag nag hambal nga Idaho ang cellphone kag indi magsinggit. Nag agaway sila sang cellphone kag nag singgitan na siya.

Si Freya indi luyag nga basta-basta na lang idaho sa kawatan ang iya nga cellphone.

Sa iya man post naga video pa siya samtang naga lakat pakadto sa iya dorm samtang naga hilibion.

Nagtuga sang trauma kay Freya ang iya inagyan kay diri siya naga pang lakaton kun gab-i kun papauli halin sa eskwelahan kay may klase siya tubtob 7:30 sang gab-i.

Pero labing gina pasalamatan niya nga wala siya masamaran kag wala tigayon makuha ang iya nga cellphone.

[sibwp_form id=1]