Pilason ang isa ka lalaki nga gina alegar bugaw matapos ginbuno sang gunting sang iya ka-transaksyon sa isa ka inn sa Lopez Jaena, Barangay 31 sa syudad sang Bacolod, Domingo sang hapon.
Nakaangkon sang buno sa tiyan ang biktima nga ginkilala kay alias Joseph.
Gina-obserbahan karon ang biktima sa Corazon Locsin Montelibano Memorial Regional Hospital.
Suno kay Police Captain Rosalino Pugoy Jr., hepe sang Station 6, nagsugod ang pagbaisay ni Joseph kag sang suspek nga ginkilala lamang bilang si alias Aldrin, sang may ginsukot ang biktima sa suspek. Nangakig siya kag ginbuno ang biktima.
Na aresto ang suspek kag siya ang posible magapangatubang sang kaso nga frustrated homicide suno sa PNP.