Na record sang Bacolod City Transport and Traffic Management Department ukon BTTMD ang pinakamadamo nga traffic violation sa bulan sang Hulyo.
Nagdangat sa 2,363 ang traffic violations nga na-record sang BTTMD. Ini ang mas mataas pa sang sa 2,126 violations nga na record sang Hunyo.
Nagapabilin nga pagpanghangkat sa BTTMD ang mga obstruction sa kilid sang dalan kun sa diin 465 ang na isyuhan sang ticket sa isa lamang ka bulan.
Indi ang sandig man sa ordinansa sang siudad nga kinahanglan hawanan kag indi pwede nga mag park sa mga kilid sang dalan.
May 319 naman ka motorista ang na isyuhan sang ticket sang Hulyo bangud sa indi pag sunod sa traffic lights.
Sa kabug-osan sa humalin Enero tubtob Hulyo may masobra na sa 11,000 ka traffic violations ang na-record sang BTTMD.
Masobra sa 2,500 ka mga salakyan kag tricycle ang tigayon nga napang-ticketan sang BTTMD bangud naga balabag ini sa dalan samtang ang iban naman ang naga park sa indi mga designated areas.
[sibwp_form id=1]