Provincial Price Monitoring Council ang gina paabot maga convene sini nga semana. Samtang, dugang nga LGU ang nag pa gwa sang mando nga naga regulate sang presyo sang baboy sa ila nga lugar.
Ang siudad sang Himamaylan ang bag-o nga LGU nga nag pa gwa sang executive order nga naga patuman sang minimum buying price para sa mga buhi nga baboy kag pork carcass kag minimum retail price sang karne sang baboy sa merkado.
Sa Executive Order nga gin pa gwa ni Mayor Raymund Tongson naka saad nga ang minimum nga buying price para sa live weight yara sa P170 per kilogram, P230 naman para sa pork carcass kag P250 para sa retail sang karne.
Tuyo sini nga mapangapinan ang mga pumuluyo kag ang local industry kasunod sang epekto sang pag igo sang African Swine Fever.
Damlag pa ang Sagay City kag Talisay City ang nag pa gwa naman sang mando nga naga regulate sang presyo sang baboy.
Ginsiling ni Provincial Legal Officer, Alberto Nellas, Jr., nga gina paabot sini nga semana ang pag convene sang Provincial Price Monitoring Council.
Suno sa Department of Agriculture ang council ang sarang nga maka recommend sang pag patuman sang price regulation.
Suno kay Cadiz Mayor Salvador Escalante, Jr., nga presidente sang Negros Association of Chief Executives, ila na ini nga natalakay man. Kag ang Negros ACE in principle ang naga ugyon sa amo nga lihok sang probinsya sa tuyo nga mapangapinan ang interes sang stakeholders.
“Na relay ko naman ni sa ACE and ang stand is we will see, lantawon ta. We will decide. Pero in principle wala gid problema”, suno kay Escalante.
[sibwp_form id=1]