Opisyal na nga nag sugod ang Brigada Eskwela nga maga lawig tubtob sa Biyernes Hunyo 5.
Sa Negros Occidental High School, unity kag volunteerism ang na highlight sa pagtililipon sang mga learners sa Main Building.
Nagkalain-lain naman nga schedule of activities ang natalana sa kada adlaw kaangay sang classroom maintenance kag mga minor repairs.
Sa La Castellana, ang programa nag kick off sa La Castellana Elementary School. Naglagda sang ila nga commitment ang mga stakeholders para sa Bayanihan sa Paaralan.
Sa San Enrique, mga police personnel ang naghatag sang seguridad sa Brigada Eskwela Kick-off kag Brigadalagan.
Sa Don Simplicio Lizares Elementary School kag Talisay GK Hope Sibol Elementary School sa Talisay City ginpatigayon naman ang pinaka una nga Brigada Eskwela Regional kick-off sa bag-o natukod nga Negros Island Region.
Si UnderSecretary Fatima Panontongan ang nag-upod sa kick-off ceremony. Iya ginsiling nga may P2 billion nga pondo nga ginpain para sa TUPAD workers nga maga bulig sa pag panglimpyo sa mga eskwelahan.
Samtang, sa Negros Island Region may 1,070,517 ka mga learners. Pagkatapos pa sang enrollment period kag mapat-od ang final number of learners.*
[sibwp_form id=1]