Shadow

Brgy Kagawad sa Vallehermoso gintiro, NPA nag-ako sa krimen

Patay si Barangay Kagawad Cerilo Balasabas matapos ini ginluthang sang wala pa makilal-an nga mga armado, sang Sabado sa Vallehermoso sa Negros Oriental.

Sa imbestigasyon sang PNP, yara lang sa gwa sang ila balay ang biktima upod ang iya misis sang mag abot ang tatlo ka armado nga persona.

Ila nga gin pasulod sa balay ang misis suno sa Pulis kag gilayon gintiro si Balasabas nga gin deklarar dead on arrival sa ospital. Gin ako naman sang New People’s Army ang pagpatay sa barangay kagawad.

Sa statement sang Leonardo Panaligan Command sang NPA, ila gin patuman ang silot kamatayon kay Balasabas nga ila gina kabig nga masupog nga intelligence asset sang army.

Secured By miniOrangeSecured By miniOrange