Ginsugdan sang Business Permits and Licensing Office sang siudad sang Bacolod ang 15 ka adlaw nga Fast Lane Pilot Simulation kahapon nga adlaw, Abril 20.
Ini ang isa ka tikang sang siudad agud matumod ang nagakaigo nga mga alagyan agud mapa dasig ang pag renew sang mga business permits sang mga negosyante.
Paagi sa amo nga tikang, tanan nga mga ginakabig nga low-risk businesses sang BPLO nga may business permit sang nagligad nga tuig ang sarang nga mahatagan sang 30 days provisionary permit.
Ang ini nga provisionary permit ang sarang magamit sang mga negosyante sa mga bidding, bank loans, kag iban pa nga businesses-related activities samtang ang ila mayor’s permit gina proseso palang nila.
Sandig sa BPLO, masami nga kagadugayan ang mga negosyante nga mag proseso sang ila clearance sa Bureau of Fire Protection.
Ginsiling ni Mayor Greg Gasataya nga tanan nga kwalipikado nga mga yara sa low-risk nga mjga negosyo ang sarang makakuha sang provisionary permit sa sulod lamang 30 minutos.
Suno sa alkalde, ginauna anay sang siudad ang mga magagmay nga negosyo kag kon makita nila nga epektibo ang bag-o nga sistema, ila man ini gilayon i-adapt kag ipatuman man bisan sa mga dalagko nga kompanya sa siudad.*
[sibwp_form id=1]