Sa tunga sang pag duso karon sang pag postpone sang Barangay kag SK Elections, luyag ni Negros Occidental Governor Eugenio Jose Lacson nga madayon na ini sini nga tuig.
Para sa gobernador kay may budget na man lang gid nga napain para sa amo nga piniliay, gamiton na lamang ini kag ipadayon ang botohay nga natalana sa Nobyembre 2 sini nga 2026.
Damlag pa ginsiling ni Deputy House Speaker kag Bacolod Representative Alfredo Abelardo Benitez nga ang pag duso sang pag paiway sang BSKE tuga sang economic crisis dala sang pagtimbook sang presyo sang langis.
Gina suportahan ang amo nga lihok suno kay Benitez kag mga 95 percent sang Lower House ang naga suporta sini.
Ang mga 13 tubtob 14 billion pesos nga gin pain para sa BSKE ang sarang magamit bilang financial assistance sa tunga sang krisis suno sa ila.
Suno kay Lacson padayon siya nga naga laum nga maga ayo ang sitwasyon sa Middle East.*
[sibwp_form id=1]