Nasapwan sini nga Martes sang aga, Abril 21 ang bangkay sang isa ka babaye nga naga-utaw-utaw sa suba sa Sitio Talubangi, Barangay Andulauan sa banwa sang Ilog.
Nagbuligay ang mga pumuluyo agud nga makuha ang bangkay sang 38-anyos nga si alyas “Tina”, residente sang nasambit nga barangay. Siya ang gin-alegar may deperensya sa paminsaron.
Suno sa mga saksi, ulihi nga nakit-an ang biktima mga las 4 sang hapon sadtong Lunes, Abril 20, kun diin ginhaboy niya ang iya tsinelas sa suba antes siya ang naglumpat man kag wala na makabutwa.
Gilayon nga nagpatigayon kagapon sang search and rescue operation ang otoridad apang sila ang napaslawan nga makita ang biktima tubtob sini nga aga sang may nakasapo sa iya.*
[sibwp_form id=1]