Bodyguard nag-ako na sa PNP siya ang nagtiro sa iya amo bangud gina sukot sang inug remit nga koleksyon.
Ginpasakaan na siya sang kaso nga homicide.
Ginpasaka paagi sa inquest proceedings ang kaso nga homicide batuk sa body guard nga si Ronel Rafael nga amo ang ginatudlo nga nagtiro sa negosyante nga si Jun Alaba nga gintiro kag napatay sa Brgy. Villamonte siudad sang Bacolod.
Suno sa kay Police Lieutenant Colonel Joery Puerto ang Acting Chief sang City Investigation and Detection Management Unit, gin ako ni Rafael ang krimen bangud ini ang ginasukot sang biktima sang dapat niya nga i-remit nga kwarta gikan sa mga sulukton sang utang.
Pagpautang sang kwarta ang negosyo sang biktima.
Dugang pa ni Puerto, ginapatihan nga may nagluntad nga komosyon sa tunga sang duha kun sa diin ginkuha sang suspek ang pusil nga gin issue sa iya sang iya amo kag ini ang gingamit niya sa pagtiro sa iya samtang yara sila sa sulod sang salakayan sa bangga Lima, Barangay Villamonte sang Lunes sang hapon.