Naga-usoy sa pareho nga direksyon ang duha ka mga motor sang magbungguanay sa national highway nga sakop sang Barangay Alicante sa banwa sang EB Magalona, sadtong Biyernes sang gab-i.
Nagresulta ang bungguanay sa kamatayon ni “Jonathan”, 32-anyos, nga personnel sang Bureau of Jail Management and Penology, may ranggo nga Jail Officer 1 kag na-assign sa Victorias City Jail. Siya ang taga Brgy. Zone 1 sa Cadiz.
Pilason naman ang iya back-rider nga si “Ron”, 29-anyos, taga Brgy. 13 sa Victorias kag ang driver sang isa pa gid ka motor nga si “Matthew”, 25-anyos, residente sang Brgy. 4 sa Victorias.
Nag-gwa sa imbestigasyon nga pareho nagapadulong norte ang duha ka mga motor.
Yara sa inner lane ang Honda nga motor samtang ang Royal Enfield ang yara sa outer lane sang sila ang nagbungguanay.
[sibwp_form id=1]