Ginahaylo ni Councilor Thaddy Sayson ang mga charging stations para sa mga electric vehicles sa Bacolod City nga magkuha na sang business permit sa siudad.
Ini matapos nga ginaduso na sa karon sang konsehal sa Sangguniang Panlungsod ang isa ka ordinansa nga maga-regulate sang mga charging stations.
Sa amo nga ordinansa, may mga pagsulundan ang mga negosyante antes sila magpatukod sang mga charging stations para sa mga electric vehicles.
Suno sa konsehal, ini agud malimitahan kag indi mag pinagusto nalang patukod sang mga charging stations sa bisan diin nga lugar sa Bacolod.
Dugang pa niya, ginalantaw nga mag damo pa gid ang mga electric vehicles sa Bacolod City, rason nga ginapaabot man ang pag damo sang mga charging stations sa siudad.
Nakasaad man sa ordinansa nga kinahanglan magkuha sang business permit ang tanan nga mga charging stations bangud negosyo man ini.
Pasado na sa first reading ang ini nga ordinansa kag natapos naman ang public hearing.
[sibwp_form id=1]