May mga pilas sa ulo kag lawas ang bangkay sang lalaki nga nasapwan sa irigasyon nga sakop sang Purok Narra sa Barangay Malingin, Bago City, Martes sang aga.
Ginkilala ang biktima kay alyas “Edmon”, 39-anyos, isa ka vendor kag residente sang Brgy. Antipuluan sa Bago.
Ginpangita sang mag-utod nga sanday “Edmar” kag “Enocencio” ang ila na-missing nga utod kag didto na nila nakit-an ang biktima sa sulod sang kanal.
Gindala ang bangkay sang biktima sa punerarya para sa post-mortem examination samtang padayon ang imbestigasyon sang Bago PNP agud mahibaluan ang ginkamatay sang biktima.
[sibwp_form id=1]