Madayon ang bidding para sa bulk water project sang gobyerno probinsyal sa Hunyo 27.
Ini suno kay Negros Occidental Governor Eugenio Jose Lacson sa tunga sang pila ka mga nagpabutyag nga kun pwede mapa isol ini.
Sa bidding na mismo mapat-od kun pila gid ka mga kumpanya ang maga pakigbahin. Damlag pa may onse ka mga kumbuyahan ang nag bakal sang bid documents. Pero may isa na diri ang nag pabutyag nga sila ang maga back-out.
Samtang, handa nga paga sabton naman sang probinsya ang mga palamangkutan sang Silay SP angut sa proyekto.
Ginsiling na ni Silay City Vice Mayor Tom Ledesma nga wala sila naga pamatuk sa proyekto kag may luyag lamang sila nga klaruhon kag ini ang naga lakip sang mangin epekto sang proyekto sa supply sang tubig sang Silay kasubong man sa palibot kag sa mga palangitan-an.
Suno kay Lacson, ang tubig para sa 1.2 million peso bulk water project ang gina propose kuhaon sa Malogo ukon Imbang River kag ini ang unsubscribed ukon ang wala nagamit nga tubig.
Ang Silay SP na lamang ang wala makahatag sang Resolution of No Objection sa mga LGUs nga nasakpan sang bulk water project.