Tuman pa ka temprano para istoryahan ang pulitika. Ini suno kanday Second District Representative Alfredo Marañon, III kag Third District Representative Javier Miguel Benitez. Sa karon sila ang naka tutok sa tagsa nila ka trabaho.
Nag gwa ang ngalan nanday Marañon kag Benitez nga gina lantaw maga sambuwa para sa gubernatorial race sa 2028.
Ginsiling ni Governor Eugenio Jose Lacson nga padayon sya nagalaum para sa isa ka common candidate sang Love Negros kag United Negros Alliance coalition.
Suno kay Marañon maayo man ang united ticket pero subong siya ang naga tutok sa trabaho.
May nag gwa nga survey sang Miyerkules nga gin patigayon sang RPMD Foundation kun sa diin gina pakita nga si Benitez ang may 42.4 percent preference para sa 2028 governor kontra kay Marañon nga may yara sang 38.04 percent.
Sa pahayag ni Benitez nakita niya ang survey kag siya ang naga pasalamat sa pag salig nga ginhatag sa iya. Pero wala nagkambyo ang iya nga pamensaron, sa gihapon siya ang naka tutok sa trabaho nga ginhatag sang pumuluyo iya.
Si Congressman Thirdy suno kay Benitez ang iya nga partner kag abyan. Luyag ni Governor Lacson nga ang coalition united kag suno kay Benitez naga isa siya upod sa gobernador angut diri.
Ginsiling naman ni Mayor Salvador Escalante Jr nga Sec Gen sang UNegA nga nagalaum sila sa gihapon sang unification sang coalition.
Kag naga paabot sila sa ginkasugtan nila damlag pa nga tion na nga gikan sa UNegA ang para sa gubernatorial post.
“We expect the UNegA will be the next. Amo na sya ang expectation naton. (that the gubernatorial candidate will come from UNegA?) We are just being consistent. Indi man lang subong nga nag gwa ang ina nga statement. Nag gwa na na dugay na. Nine years ago pa na gin istoryahan, we endorse Gov. Wala sang may ginlain. (wala mayor sang written agreement?) Of course wala. Indi pwede. The people will decide eventually, but we talk among ourselves as political leaders”, suno kay Escalante.
[sibwp_form id=1]