Bangud sa mga reported cases sang pag-ilinaway sang pila ka mga pamatan-on sa dalan Lacson sang tinalikdan nga mga inadlaw, ginaduso sang Bacolod City Police Office sa LGU nga hatagan sang mabug-at nga penalidad ang mga bars nga nagapasulod sang mga menor de edad sumugod las 10 sang gab-i.
Suno kay BCPO Director Colonel Eugene Rebadomia nga nakabaton sila sang report nga may nag rambol sa Lacson Street kun sa diin may duha ka menor de edad ang imbolbado.
Sa ila imbestigasyon, naghalin ang duha sa isa ka bar.
Dugang ni Rebadomia, may pila na ka minors ang ila na rescue sa mga ilimnan, apang nagabalik man sa gihapon. Ini bangud suno sa iya, wala pa sang ordinansa ang siudad nga nagahugot sa pagbantay sang mga bars.
Apisar sini, nagpanindugan ang BCPO nga wala pa sang reported incidents sa sulod sang mga festival sites.
Ginklaro man ni Rebadomia nga indi pa makabig nga related sa MassKara ang pagrambol sang mga kabataan bangud wala pa man nagsugod ang mga aktibidad sa Lacson Tourism Strip sadto.
[sibwp_form id=1]