Nagpasa sang isa ka resolution si Councilor Em Ang sa Sangguniang Panlungsod tuhoy sa pagpangayo sang paathag sa contractor sang pagka delay sang pagtapos sang Bacolod MassKara Colisuem kag Museum.
Jejor's Construction Corporation ang contractor sang amo nga proyekto kag natalana kuntani nga matapos ini sang Setyembre.
Ginsiling sang konsehal sa session sang SP, nga masobra na sa anum ka tuig nga gina-obra ang amo ang proyekto apang tubtob sa karun wala pa ini mahuman.
Dugang pa niya, dako ang impact sini sa culture and arts nga komitiba nga iya ginapangunahan.
Kinahanglan na nga suno sa iya mahuman ini agud magamit na sang Bacolodnon.
Dugang naman ni Councilor Caesar Distrito nga co-author sang amo nga resolution, ini na ang tion agud tawgon ang atensyon sang contractor kag sang City Engineer's Office tuhoy sa wala pa matapos nga proyekto bangud nagikan pa sa loan sang siudad ang budget para diri.
Sang Hunyo, ginsiling nga 76 percent na ang completion rate sang Coliseum. Kun mahingagaw ini tapos sini nga tuig, natalana man nga gamiton ini para sa Batang Pinoy 2026.
[sibwp_form id=1]