Biyernes sang hapon nagsungka na ang suspek sa pagpatay sa mag utod nga Jason kag Lito Moreno, nga si Jeffrey Landeza.
Bayaw siya sang mga biktima.
Ang magulang sang mga biktima nga si Cecilia amo ang asawa ni Jeffrey.
Sa panaysayon sang suspek sa PNP, gagmay pa lang ang mag-utod nga Jason kag Lito sang ang ila amay ang gintiro sang iya tiyo apang wala ini napatay.
Sang nagligad ang mga tuig napangasawa ni Jeffrey ang magulang sang mga biktima.
Apang nagdumot sa iya ang mag-utod kag ila ginplano nga patyon ang iya tiyo para magtimalos.
Sang Lunes, gin-paarakan tiro sang mag-utod ang balay sang iya tiyo apang wala man ini naigo.
Ara man si Jeffrey sang natabo ini.
Miyerkules, ginhagad sang mag-utod si Jeffrey nga magpang-uling kag samtang yara sila sa ulingan, ila ini ginpabati-batian nga patyon kay basi manugid si Jeffrey sa ila ginhimo nga pag-straffing sa balay sang iya tiyo.
Gani nagpangaman si Jeffrey.
Sang hana siya nga labuon kag tiruhon sang mag utod gin pang labo kag ginpang buno niya ang mga ini.
Nag-surrender siya matapos nahibaluan nga napatay ang duha. Si Lito ang ginlubong na sa Canlaon City.
Ginahulat man karon ang pamilya kon magapasaka sang kaso batok kay Jeffrey.
Biyernes sang aga sang nasapwan na lamang ang bangkay sang mga biktima nga mga taga Canlaon City, Negros Oriental sa may Barangay Cabacungan sa banwa sang La Castellana.