Mga barato nga utan kag produkto sang mangunguma sarang mabakal sa Market Day sa BCGC. May libre pa nga papremyo sa mga bumalakal.
Liwat nga gindagsa sang mga bumalakal ang pagbukas sang Market Day sa likod sang Bacolod City Government Center kaina sang aga.
Mga utan kag kararuton mga produkto sang Bacolod City Integrated Small Farmers Federation.
Diri mabakal ang talong, saging kag ohong sa tag P70 ang kada kilo. May ara sang tray sang itlog nga tag P270 kag pechay nga tag P25 ang bugkos.
Magluwas nga maka-save ang mga bumalakal sang kapin P10 asta P30 may tsansa pa sila magdaug sang pa-premyo sa roleta.
Kabahin ini sa pagsaulog sang siudad sang Nutrition Month sa pagpanguna sang City Nutrition Committee kag Urban Basic Services Division.