Patay ang 50 anyos nga barangay tanod nga si Rolando Bustillo matapos ini gin paarakan tiro sang kagab-i sa sulod sang iya gina ubrahan nga transloading station sa Barangay Minapasok sa banwa sang Calatrava.
Si Bustillo ang anay miyembro man sang CAFGU suno sa pulis.
Suno sa PNP, si Bustillo ang naga pungko lang sa tricycle sa sang hinali mag abot ang tatlo ka mga armado nga persona.
Isa sa ila suno sa pulis amo ang nag paarak luthang sa biktima nga gin tunaan sang iya nga kamatayon.
Personal ukon may kaangtanan sa iya trabaho ang gina tan aw sang PNP nga motibo sa pagpatay kay Bustillo.