Shadow

Banyo sang babaye sa Bacolod old city hall kurtina na lang ang tabon

Banyo sang babaye sa daan nga city hall nga kurtina lang ang tabon ang natalana ipakaayo sang siudad.

Kurtina nga pula nga nakasab-it sa alambre ang nagaserbe nga puertahan sa duha ka mga cubicle sa banyo sang mga babaye sa idalom sang daan nga city hall sang Bacolod.

Gani bisan mga empleyado ang wala man nanamian bangud masami kinahanglan pa butungon ang kurtina kun natapos na gamit ang sa pihak nga cubicle.

Nakalab-ot na ini sa igtalupangod sang City Administrator’s Office kag ginpasalig sang siudad nga gilayon maislan sang pwertahan ang tabon nga kurtina.

Ang mga utility workers sang old city hall ang nagpasalig man nga butangan sang mga tanom ang mga banyo agud mangin kasubong ini katahum sang mga banyo sa Bacolod City Government Center.

Ipausisa man sang siudad sa City Engineer’s Office ang iban pa nga pasilidad sa daan nga city hall agud ma-assess kag ma-repair ang kinahanglan nga makaayo.

Secured By miniOrangeSecured By miniOrange