Shadow

Bag-o nga rate para sa minimum wage ginpatuman sang kahapon nga adlaw

DOLE 6 photo

Effective June 5 ang mandu sang Department of Labor sa management sector sa pagpatuman sang dugang nga saka sa sweldo sang mga empleyado sa Western Visayas.

Gani agud masiguro nga ini ang strikto nga mapatuman, ginhinyo ni Wennie Sancho, tiglawas sang labor sector sa Regional Tripartite Wages and Productivity Board ukon RTWPB nga mag deputize sang task force ang DOLE nga amo ang maga inspeksyon sa mga komboyahan agud masiguro ang pagpatuman sang wage increase.

Mangin P410 pesos na ang minimum daily wage ukon may dugang nga P55 ang sweldo sang mga empleyado sa mga kumpanya nga may masobra napulo ka trabahador.

P420 naman ang minimum daily wage ukon may dugang nga P110 para sa mga empleyado sang komboyahan nga may manubo sa napulo ka tinawo.

Samtang dugang nga P95 ukon mangin P410 naman ang minimum daily wage sang mga trabahador sa agricultural sector.

Ginapaabot naman sang pamuno sang labor group nga madamo sa mga kumpanya ang magahinyo sang exemption sa pagpatuman sang wage increase tuga man sang epekto sang pandemic.

Secured By miniOrange