Ginkumpirma ni Hinobaan PNP chief, Major Clifford Batadhay nga kapin sa1.3 milyones pesos ang nakuha kahapon sang kaagahon matapos gin sulod ang isa ka banko sa kilid sang highway sa Barangay 1 sa Hinobaan.
Suno kay Batadhay, wala sang forcible entry sa bangko bangud sa nakabukas lang ang sliding nga crystal nga bintana sang banko kag didto gin kuot sang kawatan para ma off ang alarm kag ang CCTV sang banko.
Nahibaluan man suno sa pulis sang suspek ang mga combination number sa vault gani dako ang posibilidad nga inside job ang natabo kag ang suspek ang isa man lang sa mga empleyado sang banGko.
Nakuha na kahapon sang PNP ang finger print sang apat sa anum ka mga empleyado kag posible mahibaluan ang resulta sa sunod nga semana kun may nag match sa mga finger print samples nga nakuha sa crime scene.
Padayon pa karon ang imbestigasyon sang kapulisan.