Maga-kolekta kuntani sang basura ang isa ka personnel sang IPM sang iya makit-an ang patay nga bag-ong bun-ag nga lapsag sa kilid sang Materials Recovery Facility nga nahamtang sa Purok Makiangayon, Barangay Punta-Taytay sa ng Bacolod, Martes sang hapon.
Nakasulod sa kaserola ang lapsag.
May placenta kag naga-angot pa ang pusod sang baby boy.
Posible suno sa otoridad nga bag-o gid lamang ginbun-ag ang lapsag kay makita pa gani ang dugo sa kaserola.
Ginsiling ni Police Captain Andy Ofalia, hepe sang Bacolod Station 9, gina-proseso karon sang barangay ang bangkay sang lapsag nga ila ginpa-embalsamar, agud nga ma-bendisyunan kag mahatagan sang insakto nga lubong sa Handumanan Cemetery.
Blangko pa ang kapulisan sa identity sang ginikanan ukon sa persona nga naghaboy sang lapsag sa basurahan.
Suno kay Ofalia, nagapangita pa sila sang mga CCTV cameras malapit sa lugar agud makabulig sa ila imbestigasyon.
“Sa subong wala pa gid, ongoing kami investigation. Kag amo lang na ang data nga ang iloy mismo siguro involved eh kay ti kung wala siya involvement, syempre nagpakita na siya kag nag-report sa station”, suno kay Ofalia.