Shadow

Bangkay sang 4 ka mga maghimata nasapwan nga nagaka agnas na sa Gardenville Subd. sa Bacolod City

Bangud sang naga alisngaw nga baho gikan sa sulod sang balay nagpangayo sang tabang sa pulis ang mga utod sang bana ni Jocelyn Nombre.

Suno sa bilas ni Jocelyn nga si Shelimar, tatlo ka adlaw nga gina contact sang seaman nga si Junel ang iya misis pero wala na naga ring ang iya nga cellphone. Gani ginkadtuan sang iya nga utod ang balay ni Jocelyn sa Gardenville Subdivision sa Barangay Tangub sa Bacolod. Pag abot sang mga pulis ginkibot sila sang apat tanan ka mga bangkay nga nakit-an sa sulod sang compound.

Nasapwan nga patay sa gwa sang balay sanday Jocelyn Nombre nga misis sang isa ka seaman, iya hinablos nga si Michael Espinosa, ang iloy ni Michael nga si Remedios kag sa sulod naman sang balay ang anak ni Michael nga menor de edad nga si Precious.

Sa inisyal nga imbestigasyon sang PNP, may mga lampus sang matig-a nga bagay sa ulo ang mga biktima. Si Jocelyn gin gingutraban pa sang buhok. Wala man may nadula nga mga pagkabutang sa sulod sang balay. Gani suspetso sang pulis, kilala sang mga biktima ang suspetsado kag posible may kainit ini sa mga biktima. Wala man sang sinyales nga gin pwersa buksan ang balay gani, posible nga dira man naga istar sa sulod ang suspek.

Suno sa utod ni jocelyn nga si Jonary Espinosa, may hinablos si Jocelyn nga naga istar sa iya kag masami niya nga gina akigan kay naga dala sang iban nga mga tawo sa ila nga balay. Duda niya, siya ang may kahimuan sang krimen.

Sini nga hapon ang amo nga hinablos ang yara na sa kustodiya sang Police Station 8 para mausisa kun ano ang iya kahilabtanan sa natabo nga krimen.

Leave a Reply

Your email address will not be published. Required fields are marked *

Secured By miniOrangeSecured By miniOrange