Shadow

Teacher nga certified K-pop kag K-drama fan nagtukod sang kaugalingonn nga Korean-inspired nga cafe kag minimart

Antes nag lockdown bangud sang pandemic naka hingagaw pa pauli sa Negros ang teacher nga si Edcy Dayon. Isa siya ka ceritifed Korean pop fan kag Korean drama enthusiast.

Ang online classes ang stressful para sa iya kag ang mga k dramas kag series amo ang nagpadula sa iya nga stress.

Naga crave man siya sang Korean food pero limitado lang ang mabaklan diri sa negros gani naka pensar siya nga magpatukod na lang sang iya kugalingon nga Korean mart kag cafe.

Ini na sa karon ang diri lang, isa ka Korean inspired Kmart kag cafe sa dalan Rizal sa Silay City sa tabok lang sang St. Teresitas Academy. Ang ding ding autumn kag spring inspired. May mga Korean singers kag actors nga mga merchandise. May Korean expression wall. Kag siyempre korean food ang ila nga gina serve.

May yopoki, corndog, fish cake, cheese balls kag noodles. Ini ang gina balik balikan sang iya nga mga suki. Si Shanaia Mariel Guisaguis ang isa sa mga naga balik balik sa iya nga cafe. Kpop kag k drama fan man. Pero kompleto kuno ang experience, mas manami kun may Korean food.

Magluwas diri may mga produkto man nga Korean nga sarang mabakal diri, ang sikat nga banan yogurt, sodiu, noodles kag iban pa.

Isa pa lang ka bulan ang ini nga negosyo ni Edcy pero maayo na kuno ang resulta.

Indi pa siya makahibalo kun bala mabalik pa siya sa Manila ukon diri ma settle down sa Silay kay sa karon wala pa man sang kasiguraduhan ang tanan. Isa lang ka bagay suno sa iya ang masiguro niya, nagakalipay siya sa iya nga ginahimo kay iya ini nga hilig.

Leave a Reply

Your email address will not be published. Required fields are marked *

Secured By miniOrangeSecured By miniOrange