700 ka mga puluy an sa isa ka barangay sa banwa sang Toboso ang ginlockdown subong nga adlaw.
Antes pa man ginsira ang border sang barangay bug ang proper, personal nga nag pakig sugilanon ang alkalde sa mga pumuluyo para ipahangup ang sitwasyon. Suno sa alkalde wala sang may nag pamatuk.
Suno kay Mayor Richard Jaojoco, ginpakamaayo ang granular lockdown agudto mas mangin mahapos ang contact tracing ilabi na nga may syam ka mga gikan sa barangay ang nagpositibo sa virus.
Ginhatagan naman sang napulo ka kilo kag bente ka delata ang tagsa ka panimalay.
22 ang active cases sang toboso karon. Nadugangan sang pito ang active cases sang banwa sandig sa nabaton nga resulta subong nga adlaw. Suno kay Jaojoco sa pito ka new cases, anum ang katapo sang PNP. Damlag pa may tatlo man ka pulis nga nagpositibo sa virus gani sa kabilugan syam ka mga pulis ang Covid positive sa banwa.