Halos 150,000 ang apektado sang habagat sa Negros Occidental kag duha naman ang gin-report napatay sa probinsya.
Kahapon, tigayon nga nga nakit-an ang bangkay sang 14 anyos nga si Gilbert Vicencio, nga nalumos sa Campomanes Bay sa Sipalay City sadtong Domingo. Ginreport man nga nalumos matapos mag tabok sa suba sa Hinobaan para mag pauli ang 68 anyos nga si Macario Villasan nga ginasiling naka inom.
Suno kay Irene Bel Plotena ang pamuno sang Provincial Disaster Risk Reduction Management Office sa ila 12 noon nga report, may 33,978 ka mga persona ang yara sa mga evacuation center sa 25 ka mga banwa kag siudad sa probinsya.
Pero kay sa forecast sang PAGASA light to moderate rains na lamang with occasional rains ang maga tupa sa pila ka bahin sang probinsya karon.
Ginalauman suno kay Plotena nga may mga evacuees na nga amat-amat nga maga pauli.
Sa mga lugar nga may mga pagbaha amat-amat naman nga nagsubside ang tubig kaangay sa Hinobaan, Sipalay, Kabankalan kag San Enrique.
30 sa 31 ka mga LGU ang nagdeklara sang suspension of classes samtang apat naman ang may work suspension.
Kahalitan sa pananum ang gin-report yara sa 32.7 million pesos kag sa fisheries naman yara sa 1.7 million pesos.
Ang kahalitan sa kasapatan nagdangat sa 1.4 million pesos.
Padayon ang pag hatag sang ayuda sa mga apektado nga pumuluyo.