Bangkay nga ginputos sang packing tape, nasapwan sa Bago City
Nakabaklid ang mga kamot, may putos nga tela kag garbage bag antes ginpalibutan sang packing tape ang bangkay sang isa ka lalaki sa Purok Langka, Barangay Pacol sa Bago City, Hwebes sang aga.
Sa karon,wala pa makilala sang kapulisan ang biktima nga nasapwan sang mga naga-obra sa kampo.
Ginabulobanta 30 tubtob 40 anyos ang biktima, nagataas sang 5’5″, nagasuksok sang shorts, maong pants kag white t-shirt.
May tattoo ang lalaki nga “Prince Gabriel” sa natuo nga butkon.
Ginsiling ni Police Lt. Col. James Latayon Jr., hepe sang Bago PNP nga posible isa tubtob duha na ka adlaw nga ginhal-id ang biktima sa lugar.
Sa inisyal nga paglantaw sa bangkay, wala sang may nakit-an nga pilas sa iya nga lawas.
[sibwp_form id=1]