Arestado ang 33 anyos nga si Joel Alma pati ang iya nga upod nga si Matts Ericson Pastrana matapos makuhaan sang 40 gramos nga suspected shabu sa buybust operation sa Barangay Alijis sa Bacolod.
Ginabulubanta nagabalor sang 272,000 pesos ang iligal nga droga nga nabawi sa duha.
Suno sa pulis, lunsay newly identified drug personality sa Bacolod ang mga naaresto pero ang subject nga si Alma, ang ila natukiban nga isa ka high value individual sa siudad sang Victorias kun sa diin ini nag halin.
Kaso nga pag lapas sa RA 9165 ang ipasaka batuk sa duha ka suspek.