Gin aprubahan sang National Wages and Productivity Board ang bag-o nga minimum wage sa Metro Manila kag Western Visayas kun sa diin kabahin ang Negros Occidental kag Bacolod City.
Saka nga singkwentay singko pesos tubtob siyento dies pesos ang gin aprubahan nga saka sa minimum wage sa Western Visayas.
Halin sa P310 nga minimum wage para sa mga private companies nga may napulo ka mga empleyado kag panubo, mangin P410 na ini. Samtang halin sa P395 mangin P450 naman para sa mga private companies nga may masobra sa napulo ka mga empleyado.
Sa agricultural workers naman, halin sa P315 mangin P410 na.
Ginsiling na ni Department of Labor and Employment Regional Director Sixto Rodriguez Jr. nga ang mga kumpanya nga indi pa maka sarang magpatuman sini ang pwede maka file sang exemption sa DOLE.
Damlag pa ginsiling na sang business sector nga bad timing ang pag pasaka sang minimum wage bangud wala pa maka bawi ang mga magagmay nga mga kumpanya sa halit sang pandemic.