Tatlo ka mga iga-contruct nga police station sa Bacolod kinahanglan masuguran antes matapos ang tuig.
May napain na nga P10M nga pondo gikan kay Senator Francis Tolentino para sa construction sang bag-o nga police station 3 sa Barangay Mandalagan.
Ugaling asta karon indi pa mapat-ud sang pamunuan sang Bacolod City Police Office kun diin ang iga-donate nga duta sang real estate developer sa Bacolod LGU nga amo ang patindugan sang building.
Magluwas sa Police Station 3, ginaplano pati ang construction sang bag-o nga Police Station 8 building sa Araneta higway sa Barangay Tangub kag Police Station 9 sa Barangay Cabug.
Ini tanan ang wala pa natigayon nga ma-bid out. Gani ginapaabot ni BCPO Director Police Colonel Joeresty Coronica nga mahingaw ini kag masuguran ang construction antes pa man matapos ang tuig.
Gindugang ni Coronica nga may yara pa gid siya sang napalab-ot nga request sa Bacolod LGU para sa BCPO Special Weapons and Tactics pero ini karon ang apektado sang ginapatuman nga banning sang Comelec.