Hinyo ni Mayor Albee para mapirmahan ang bag-o nga kontrata sang IPM para sa paghakot sang basura kag pag-maintain sang sanitary landfill sa Barangay Felisa sa Bacolod ang aprubado na sang konseho.
Unananimously approved sang konseho ang ginhinyo ni Mayor Albee Benitez nga authority to sign para sa panibag-o nga kontrata upod sa IPM-CDC nga amo ang ginapaabot maga-hakot sang basura kag maga-maintain sang sanitary landfill sang siudad sa Barangay Felisa.
Ang lone-bidder ang nagpasalig sang dugang nga mga trucks kag equipment para mapabaskog ang hakutay sang basura.
Ginpasaka man sa 400 tons a day ang nakasugtan nga mga volume sang basura nga ila pagahakuton sa sulod sang 11 ka bulan.
Gindugang sang alkalde magluwas sa ginadihon nga kontrata upod sa IPM, ginahikot naman ang plano para igatukod nga recovery kag recycling facility sa nabakal nga duta sang siudad malapit sa landfill sa Barangay Felisa.