
Motorcycle rider patay sa pagpaniro sa Brgy Handumanan sa Bacolod.
Patay si Arnold Caballles matapos gintiro sang wala pa makilal-an nga persona sa Zone 1, Barangay Handumanan, Bacolod City pasado las singko kahapon.
Suno kay Bacolod Police Station 10, Chief of Police P/CAPT.
Glenn Montaño, suno sa nakasaksi, pareha nga naga-maneho sang motor ang suspek kag biktima apang hinali lang nga ginbungguan sang suspek ang biktima nga nagresulta sa pagkatumba sini.
Ang gunman ang nagamaneho sang pula nga motor, nagasuksok sang t-shirt nga may pula kag puti nga color base sa CCTV video malapit sa lugar.
Gilayon nga nag gabot sang pusil ang suspek samtang nagapakitluoy ang biktima nga indi pagtiruhon pero gintiro siya a gihapon sang suspek kag nagpalagyo.
Nakuha sa crime scene ang mga pinutos nga bugas kag duha ka bala sang butane nga ginbakal sang biktima sa tiangge.
Padayun naman ang imbestigasyon sang kapulisan love triangle ukon personal nga dumot ang gina lantaw nga possible ugat sang krimen.