Handa nga makigsugilanon ang pamunuan sang Bacolod City Police Office sa himata sang nagtaliwan nga suspek nga naka tiro kag naka patay kay Police Master Sargeant Romulo Galvez samtang ginpatigayon ang isa ka buy-bust operation sa Barangay Alijis sa Bacolod sang Abril 9.
Ginsiling ni BCPO Director Police Colonel Eugene Rebadomia nga kun luyag sang pamilya nga ma klarohan sang natabo sa ila himata, bukas ang kapulisan parte diri.
Ginklaro man niya, nga wala gindetain sang kapulisan ang suspek kag matapos ini nga nadakpan kundi ini siya ang gindala na sa Corazon Locsin Montelibano Memorial Regional Hospital. Ini taliw-as sa mga alegasyon nga naga gwa nga gin detain pa siya.
La una sang aga nag-abot ang suspek sa ospital kaupod sang kapulisan para sa medical check up apang suno kay Rebadomia, ginpakamaayo nga i-confine ini bangud nagawaras ang suspek.
Las 5:27 sang aga, ginbawian sang kabuhi ang suspek. Wala sang himata nga yara sa ospital sang napatay siya.
Naghinyo naman ang BCPO sa Department of Social Services and Development sang siudad nga maghatag sang bulig sa pamilya sang suspek agud mapalubong ini.
In good faith man ang pagdala sang kapulisan sa suspek sa ospital suno kay Rebadomia. Sa karun, yara sa kamot sang pamilya ang medical results sang suspek kag kon ano ang kabangdanan nga napatay ini.*
[sibwp_form id=1]