Ginalauman sang siudad sang Bacolod nga matapos na sa bulan sang Hunyo ang pag construct sang cell number 5 sa sanitary landfill sang siudad nga nahamtang sa Barangay Felisa.
Ginsiling ni Atty. Allyn Luv Dignadice, pamuno sang Bacolod Environment and Natural Resources Office, nga yara na sa 48 porsyento ang construction sang amo nga cell.
Ang cell number 4 nga ginagamit sang siudad sa karon, ang may pila na lang kabulan nga nabilin antes ini mapuno, rason nga ginapadasig na sang BENRO ang pagtapos sang cell 5.
Sa pihak nga bahin, ginkilala sang Environmental Management Board – Department of Environment and Natural Resources Negros Island Region ang amo nga pasilidad sang siudad bilang isa ka model sanitary landfill sa rehiyon.
Ini bangud sa best practices nga ginapatuman nga landfill management pareho sang topsoil covering, slope stabilization, leachate treatment, regular monitoring, kag gas emission testing.
May pila na ka mga LGU sa rehiyon ang nag padulong sa amo nga landfill agud mag benchmarking.
Gina hingyo naman ni Dignadice sa pumuluyo, agud nga mapalaba pagid ang life span sang landfill, likawan ang paghaboy sang bisan ano nga mga basura. Kon pwedi palang, i-recycle ang mga butang nga mapuslan pa.*
[sibwp_form id=1]