100 percent ang rating sang Bacolod City Peace and Order Council sa ginpatigayon nga 2022 Council Performance Audit sang Department of the Interior and Local government.
Nalakip sa gin-assess sang DILG ang bahin sa mga polisa, pagpatigayon sang mga plano, compliance sa reporting sang programa angut sa peace and order campaign kag ang pagpatuman sang Local Public Transportation Route Plan sang Land Transportation Franchising and Regulatory Board.
Ginkalipay naman ini ni Bacolod City Police Office Director Colonel Noel Aliño nga nagapasalamat man sa suporta sang komunidad ilabi na sang local government unit.
Ginapabugal man ni Aliño ang pagtalana sang Bacolod Police Assistance Desk sa mga kabarangayan nga dako ang mabulig sa pagpaiway sang kriminalidad.