Tigayon na nga ginpatuman sang siudad sang Bacolod ang isa ka hotline agud magtatap sa mga reklamo sang pumuluyo may kaangtanan sa suplay sang tubig.
Ginsiling ni Mayor Greg Gasataya nga bangud sa kadamuon sang reklamo nga napadangat sang publiko sa BACIWA-PrimeWater, ang hotline magabulig tipon sang mga concerns agud mahibaluan ang nagakaigo nga tikang sa pag lubad sang kakulang sa tubig.
Padayon man ang pag-monitor sang siudad sa epekto sang malawig na nga dry spell.
Nakigsapol sa liwat ang alkalde sa tiglawas sang BACIWA-PrimeWater Martes nga adlaw. Sandig sa ila nga report, ang 87 million liters per day nila nga suplay nagligad nga mga inadlaw ang nagsaka na sa 89 million liters per day.
Ini ang manubo sa gihapon ikumpara sa 100 million liters per day nila nga suplay antes nag abot ang tig-ilinit.
Suno kay Gasataya may iban na nga mga barangay sa norte nga bahin sang siudad ang may suplay na sang tubig apang mahinay lamang ang pressure sini.
Ginahulat pa sang siudad nga maghatag sang assessment ang BACIWA-PrimeWater sang mga high-risk nga area nga nagakinahanglan sang water rationing.
Preparado naman ang 21 ka mga water tanker sang siudad agud maglibot sa mga pinaka apektado nga mga area.
Para sa mga concern may kaangtanan sa supply sang tubig, mahimo nga mag-text ukon magtawag sa 0930 047 8289.*
[sibwp_form id=1]