Wala pa naaprobahan sang department of health ang ginhinyo ni Mayor Evelio Leonardia nga mapa downgrade ang alert level status sang siudad halin sa alert level 4 panubo sa alert level 3.
Suno kay Em Ang,executive director sang Emergency Operations Center, bangud sini magapabilin sa alert level 4 ang bacolod bisan gin recommend naman sang DOH Regional Office 6 nga mapaidalom sa alert level 3 ang Bacolod nga nagapabilin man karon sa moderate risk classification.
Ang pagnubo sang health care capacity utilization rate upod man sa pagnubo sang Covid-19 cases ang kabahin sa mga rason para mapanubo ang alert status sang siudad.
Ginalauman sang EOC nga sa madasun nga inadlaw mapahalugan ang mga restrictions halin sa venue capacity sang mga commercial establishment kag pati na travel restrictions sa idalom sang alert level 3 status.
Pagasuguran man bwas ang vaccination program para sa mga 12-17 year old sa SMX Convention Center kag Ayala Mall sa bwas.
Magasapol man ang katapo sang eoc upod sa tagdumalahan sang mga mall agud mahandaan ang natalana liwat nga pagdamo sang mga magapadulong sa mga vaccination center.
Sa record sang EOC,may masobra sa lima ka libo nga menor de edad ang handa magpabakuna kontra sa Covid-19.