Bacolod LGU magapatuman na sang penalty sa mga late business applicants pending sang request sang grupo sang mga negosyante sa pagpalawig sang business one-stop shop.
Malapit sa 20,000 ang nagparehistro nga business applicants sa pagtakop sang business one-stop shop sa Bacolod sang Pebrero 15.
Nagalab-ot sa 18,495 ang nagpa-renew sang ila mga business permit samtang may dugang nga 1,405 ang mga bag-o nga negosyo.
Ginsiling ni Business Permits and Licensing Office head Stela Rose Rayos sarang pa maka-apply sang business permits ang napaslawan makakuha sang permits sa business one-stop shop.
Pero suno kay City Treasurer Gary Gecosala, igapatuman na ang penalty sa mga late business applicants pending sang mangin desisyon sang konseho angut sa ginahinyo sang Metro Bacolod Chamber of Commerce and Industry nga pagpalawig sang BOSS.
Ginapaabot ni Rayos nga antes magtakop ang tuig, sarang pa malabawan ang masobra 24,000 ka mga business registration sang 2024.