Bacolod City kag Negros Occidental ang magapabilin sa modified general community quarantine sa bulan sang Mayo.
Ini base sa deklarasyon ni Presidential Spokesperson Harry Roque kun sa diin ginlakip ang Bacolod kag Negros Occidental sa mga lugar sa pungsod nga magapabilin sa mgcq sa bulan sang Mayo.
Ini apesar sang nagapadayon nga pagsaka sang mga kaso sang COVID-19 sa siudad kag sa probinsya sini nga bulan sang Abril.
Pero gindugang ni Roque nga ang local government unit ang mahimo maka appeal sa national Inter Agency Task Force sang quarantine status sini.
Damlag pa naghinyo si Governor Eugenio Lacson sa IATF kun mahimo mapaidalum sa general community quarantine ang probinsya bangud sang pagsaka sang kaso pero wala ini ginpahanugutan sang national government.
Ginpahayag naman ni Vice Mayor El Cid Familiaran nga wala na sang may mahimo ang siudad sa ginahatag nga quarantine status sang iatf kundi hugton na lamang ang pagpatuman sang precautionary measures sang siudad agud mapunggan ang paglapta sang COVID-19.